Ligjvënësit grekë kanë autorizuar mëngjesin e sotshëm Kryeministrin Alexis Tsipras në lidhje me propozimin e tij për referendum më 5 korrik, ku Greqia duhet të vendosë vetë me votën e popullit, nëse do të qëndrojë në zonën euro apo do të dalë prej saj.
Qeveria kaloi me 151 vota autorizimin për referendum me aprovimin e Agimit të Artë dhe partive opozitare Demokracia e Re, PASOK, To Potami dhe me kundërshtimin e KKE, Partisë Komuniste.
Në total, 178 ligjvënës votuan pro, 120 kundër dhe 2 abstenuan. Grekët do të votojnë më 5 korrik për të zgjedhur nëse duan të pranojnë kushtet e kreditorëve dhe të qëndrojnë në zonën Euro, apo nëse do ti kundërshtojnë ato e do të dalin nga kjo zonë.
Partnerët europianë kanë reaguar në mënyrë negative kundrejt lajmërimit të referendumit. Ditën e djeshme, Eurogrupi refuzoi kërkesën e Tsiprasit për të zhbllokuar miliona euro nga fondet e shpëtimit. Vetë kreu i eurogrupit ditën e djeshme pohoi në një deklaratë për mediat, se situata ekonomike në Greqi sa do të vijë dhe do të përkeqësohet ndjeshëm. Pritet se çfarë do të ndodhë në ditët në vijim. /tesheshi.com/
