![Një ushtar izraelit qëndron me kompleksin e Xhamisë Al-Aksa në sfond [Dosje: Maya Alleruzzo/AP Photo]](https://tesheshi.com/wp-content/uploads/2024/12/Kolonet-izraelite-shkelin-status-quo-ne-ne-kompleksin-e-xhamise-Al-Aksa-360x180.webp)
Në rajonin e Çanakalasë, në Turqinë Veriperëndimore, kryesisht në ishullin e Gokçeada jetojnë një numër i konsiderueshëm qytetarësh turq me kombësi greke.
Duke njohur gjuhën dhe detin, ata prej vitesh punojnë ne Greqi, kryesisht në Flotën Detare dhe në turizëm, veçanërisht në ishujt e shumtë të Egjeut që zotëron Greqia dhe janë mjaft atraktivë.
Por në vitet e krizës ekonomia helene ka rënë shumë dhe grekët e Turqisë tashmë janë kthyer masivisht në atdhe, siç ndodh me gjithë emigrantët që kanë punuar në Greqi.
Kryetari i bashkisë së ishullit të vogël turk, ka zhvilluar një ceremoni të posaçme për pritjen e bashëatdhetarëve të tij minoritarë.
Unal Çetin, i cili është një kryebashkiak mjaft energjik, shpreson se greko-turqit do të implementojnë në ishull përvojën turistike dhe detare që e kanë marrë në shtetin fqinj.
“Qytetarët me origjinë greke, që jetojnë në ishullin tonë, janë shumë të rëndësishëm për ne dhe i duam shumë. Duke qenë se jemi një vend fqinj, kriza ekonomike në Greqi na brengos edhe neve”, ka deklaruar kryebashkiaku i Ishullit Gokçeada.
/tesheshi.com/
