Gratë deputete, bashkojnë “Shqipërinë etnike” për ditën e tyre me qendër Prishtinën

Në Prishtinë, sot, në shenjë të 8 marsit – Ditës së Grave,  mbahet seancë e përbashkët e deputeteve të Kuvendit të Republikës së Kosovës me deputetet nga Shqipëria dhe Maqedonia, si dhe politikaneve nga Mali i zi dhe Presheva. Seanca mbahet në sallën e Kuvendit të Republikës së Kosovës, duke filluar nga  ora 11:30.  Para se të fillojë seanca, kryetari i Kuvendit të Republikës së Kosovës, Kadri Veseli dhe  Grupi i Grave Deputete do të presin mysafiret e kësaj seance në hollin e Kuvendit, duke filluar nga ora 11:00.   Kjo është mbledhja e dytë e përbashkët e deputeteve mbarëshqiptare, e para është bërë një vit më parë në Tiranë, me nismën e grupit të grave deputete.