Grabitja më e fundit në Rinas, ku flitet për afro 10 milion euro të rrëmbyera nga barku i një avion për më tepër me pasagjerë brenda, ka sjellë reagimin e ashpër të opozitës.
Ajo e ka lidhur ngjarjen me protestat e saj, duke ia faturuar qëverisjes, e veçanërisht policisë këtë që ka ndodhur.
Sipas saj, kjo ndodh ngase policia tregohet e tillë vetëm me ta, me opozitën kur proteston.
“Kur Policinë e angazhon kundër qytetarëve, që mbrojnë strehën e fëmijëve të tyre apo protestojnë kundër Qeverisë, me vetëdije i hap rrugën grabitjeve me armë në zonën më të sigurt në vend (brenda perimetrit te sigurisë në Aeroportin e Rinasit) apo vrasjeve të tipit mafioz në zonat më të populluara. Është çështje prioriteti! Edi Rama ka prioritet luftën me qytetarët dhe jo luftën me krimin. Me 13 Prill, protestojmë edhe për të kthyer Policinë e Shtetit në krye të detyrës, për t’u shërbyer qytetarëve dhe jo banditëve e grabitësve në pushtet“, tha Gazmend Bardhi nga PD.
“Grabiten ne mes te dites miliona euro dhe Sander Lleshi nuk merret me banditet por hedh gaz helmues kunder qytetareve te varfer te ketij vendi qe kerkojne te mbrojne pronen e tyre. Gazi helmues perdoret kunder qytetareve ndersa banditet levizin te lire dhe terrorizojne qytetare duke grabitur ne mes te dites“, u tha Brahimllari i LSI-së.
Ndërkohë, mësohet se ministri Lleshaj i ka kërkuar kreut të policisë Ardi Veliu, zbardhjen samë shpejt të rastit, e sidomos kapjen e grabitësve. /tesheshi.com/
