Është e njëjta eskortë, e njëjta shoqëri dhe e njëjta rrugë, Tiranë-Rinas, nga banka në aeroport dhe anasjelltas.
Për të tretën herë janë grabitur paratë e një bankë shumë të madhe në vend që vinin nga Rinasi për në Degën e Thesarit.
Në Qafë-Kashar, as 2 kilomentra nga aeroporti, në rrugën plot me udhëtarë e automjete, një makinë përplas furgonin e blinduar të policisë private, grabisin 2 milionë euro, largohen me shpejtësi dhe askush nuk i shqetëson.
I gjithë ky fragment filmohet nga udhëtarët që e dërgojnë nëpër televizione.
Autorët kanë djegur pas grabitjes mjetin me të cilin kryhen krimin. Policia është vënë në ndjekje të tyre me një helikopter nga ajri dhe me disa postoblloqe të ngritura rrugëve.
Dëshmitarët thonë se punonjësit e policisë private që siguronin mjetin e bankës u dhunuan dhe pas marrjes së parave mjeti i grabitësve u largua me shpejtësi nga vendi i ngjarjes.
Një ditë më parë, ministri i Brendshëm Saimir Tahiri në një takim me policitë private tha se bankat vidheshin ngaqë nuk kanë vendosur njerëz të motivuar dhe me rrogë të vogël.
Siç duket ka qenë “profeci” e zezë ajo e ministrit sepse gjithçka ndodhi menjëherë një ditë më pas. /tesheshi.com/
