Klubi mbretëror, Real Madrid ka nderuar futbollistin e tij, Cristiano Ronaldo në një ceremoni zyrtare për rekordin e thyer si golashënuesi më i mirë në historinë e klubit. Të pranishëm ishin gjithë futbollistët e tjerë madrilenë që e uruan portugezin.
“Nuk e kisha menduar asnjëhere se do bëhesha golashënuesi më i mirë i historisë së klubit më të mirë në botë. Kur e vesha për herë të parë bluzën e Real Madridit, asnjëherë se kisha menduar që do arrija deri këtu. Por, falë jush gjithçka ishte e arritshme. Faleminderit të gjithëve dhe Hola Madrid”, u shpreh i lumtur Ronaldo.
Ronaldo ditë më parë kishte tejkaluar legjendën Raul Gonzales me numrin e golave të realizuar me fanelën e Real Madridit. Për vetëm shtatë sezone të kaluara në Madrid, Ronaldo ka shënuar plotë 324 gola, një më shumë se Raul. Portugezi ka ende kohë për të shënuar gola të tjerë meqenëse është ende pjesë e klubit madrilen duke vazhduar kështu historinë e një legjende. /tesheshi.com/
