45 vjeçari Ghafoor Hussain, ka parë fotografitë e familjeve dhe personave që ecin me qindra dhe mijëra kilometra nëpërmjet vendeve në lindje të Europës, për të arritur në vendet e perëndimit, me shpresën e nisjes së një jete të re dhe kuptoi se ata kishin nevojë ëpr ndihmë.
Duke punuar për vite të tëra si mekanik, ai vendosi të blejë një kamion dhe e shndërroi atë në një kuzhinë industriale, në mënyrë që ajo të ishte e lëvizshme dhe të mund të ushqente qindra njerëz çdo ditë.
Ai arriti të blejë një autobus një katesh i cili ishte në shitje në Cronëall dhe e modeloi, në mënyrë që të mund të gatuante ushqime të ndryshme brenda në të. Shumë shpejt ai do të udhëtojë në Serbi dhe Maqedoni, ku shpreson të mund të ushqejë njerëzit që nuk kanë ngrënë asnjë vakt gjatë gjithë ditës.
Ghafoor, me origjinë nga Stockton ka shpenzuar £6,000 nga paratë e xhepi të tij, në mënyrë që çdokush të ketë një vakt, në fund të këtij viti, kur shumë njerëz festojnë.
“Rreth një javë më parë arrita të shpërndaj ushqim për refugjatët në Austri, Slloveni dhe në Kroaci. Aty mësova se pjesa më e madhe e njerëzve nuk e hanin thuajse kurrë ushqimin të ngrohtë, veçse të ftohtë. Mendova se mund të bëja diçka për tu ardhur në ndihmë atyre”,- tha Ghafoor, baba i katër fëmijëve dhe gjysh i tre nipave.
Me ndihmën e vullnetarëve dhe mjekëve lokalë, ai planifikon të ushqejë mbi 15 mijë persona në ditë. “Sipas vlerësimeve të mia, nëse gatuajmë vazhdimisht, ne mund të ushqejmë nga 8 mijë në 10 mijë persona në ditë, me shumë lehtësi”,- shprehet Ghafoor./tesheshi.com/
