Arrestimi i prokurorit të Krujës Haxhi Giu në atë formë, si dhe filmimi që iu shpërnda publikut nga ana e policisë, janë kundërshtuar ashpër nga gjykatësi i çështjes, Idriz Mulkurti. Mësohet që ai të ketë thënë se arrestimi duhej bërë nga oficerët e Krimeve të Rënda dhe jo nga reparti “Shqiponja”.
Por Mulkurti ka kundërshtuar ashpër dhe filmimin e momentit të arrestimit, si dhe publikimin më pas të pamjeve. Sipas tij, kjo është kundërshtim të ligjit për të drejtat themelore të njeriut dhe prezumimit të pafajësisë. Dhe mësohet që për këtë, Mulkurti do t’i kërkojë sqarim me shkrim titullarit të Prokurorisë të Krimeve të Rënda.
Gjithashtu, për prokurorin Giu është kërkuar nga drejtoria e burgjeve një qeli më vete, pasi statusi i tij si një njeri i akuzës, i cili ka dënuar me dhjetra individë për shkelje të ndryshme, nuk mund ta çojë në qeli më të burgosur të tjerë, që për më tepër mund të koinçidojnë dhe “viktima” të tij. /tesheshi.com/
