Rikthehet fantazma e UNMIK-ut në Kosovë. Agjencia “Presheva Jonë”, citon burime nga Organizata e Kombeve të Bashkuara, përkatësisht selisë së Gjenevës, që kanë thënë se OKB po përgatitet të rikthehet me Gjykatën Speciale.
Nëse parlamenti i Kosovës do të rrëzojë ngritjen e Gjykatës brenda suazave të Shtetit dhe nën mbikqyrjen e Bashkimit Europian do të jetë Këshilli Sigurimit i OKB-së që do të miratojë një rezolutë të posaçme.
Siç mësohet, administrata e OKB-së po bëhet gati që të sjellë “batalionin” e saj nëse ndodh një ndryshim i tillë.
Zëdhënësja e UNMIK, Sarah Crozier tha e nëse Kuvendi nuk e përcakton tribunalin është e mundur që shtetet anëtare të ngrenë çështjen në OKB.
Lidhur me këte edhe ambasadorët e Perëndimit të akredituar në Kosovë, SHBA-së, Gjermanisë, Britanisë së Madhe, Italisë, Holandës dhe përfaqësuesi special i BE kanë bërë të ditur pas vonesës nga autoritetet e Kosovës për themelimin e Gjykatën Speciale për krime në Kosovë, se një gjë e tillë do të kalohet në kompetencë të Organizatës së Kombeve të Bashkuara.
