Gjykata në Shkup vendos: BFI-ja i takon Sulejman Rrexhepit, Ibrahim Shabani duhet të largohet që aty

Bashkësia Fetare Islame (BFI) ka fituar procesin gjygjësor pas padisë kundër të ashtuquajturit grup puçist, i cili ditë më parë u ngujua në selinë e institucionit më të lartë fetar, konfiskoi vulat, ndërsa Myftiu i shkarkuar Ibrahim Shabani u vetëshpall kryetar, duke pretenduar  se Sulejman Rexhepi nuk është legjitim.

“Gjykata Themelore Shkupi II, si gjykatë e shkallës së parë, ka marë vendim me të cilin obligon të paditurit, Afrim Tahiri, Ibrahim Shabani dhe Skënder Buzaku, që menjëherë pas pranimit të këtij vendimi, të lirojnë hapësirat e uzurpuara të BFI-së si dhe të kthejnë vulat e këtij institucioni.

Ky vendim që tashmë gjendet në duart e autoriteteve legjitime të BFI-së, u ndalon kategorikisht personave të sipërpërmendur që ta përsërisin veprën ose të ndërmarin diçka të ngjashme. Vendimin mban firmën e gjykatëses Keti Germanova, ku mes tjerash thuhet  se ankimimi nuk shtyn zbatimin e vendimit për lirimin e hapësirave të institucionit dhe largimin prej andej si të paligjshëm. /tesheshi.com/