Vetëm pak orë pasi qeveria spanjolle paraqiti një ankimim në Gjykatën Kushtetuese të vendit në lidhje me një rezolutë të parlamentit të Katalonjës që kërkon të hapë rrugën drejt pavarësisë, ka ardhur dhe pranimi i këtij ankimimi.
Gjykata Kushtetuese ka pranuar njëzëri ta shqyrtojë ankimimin e qeverisë spanjolle, çka e pezullon rezolutën e parlamentit të Katalonjës.
Një njoftimin e saj, kjo gjykatë i paralajmëron politikanët katalonjas që të mos e sfidojnë vendimin e saj, përndryshe ndaj tyre do të ketë procedim penal.
Rezoluta e aprovuar të hënën në parlamentin e Katalonjës në Barcelonë e autorizonte atë të niste punën për një kushtetutë katalonjase, si dhe të ngrinte sistemet e mbledhjes së taksave dhe të sigurisë.
Kryeministri i Spanjës, Mariano Rajoy, do ta quante rezolutën për pavarësinë e Katalonjës si një sulm mbi sovranitetin e Spanjës. /tesheshi.com/
