Një lajm i mirë për të gjithë punonjësit e në mënyrë të veçantë për shqiptarët.
Gjykata Europiane e Drejtësisë, vendimet e së cilës janë unifikuese edhe në Shqipëri e Kosovë, ka vendosur që orari për të shkuar në punë dhe për të ikur nga puna duhet të quhet kohë pune dhe do të paguhet.
Gjykata Europiane e Drejtësisë, në vendimin e saj ka përcaktuar se punonjësit pa një zyrë fikse duhet të paguhen edhe për rrugën që ata bëjnë për të arritur punën apo për ta kryer atë.
Kjo nënkupton se punët që kryhen në vende të lëvizshme si elektriçistët, punonjësit e instalimit të gazit, shpërndarësit e kateringut etj., mund të jenë në kundërshtim me rregullat e përcaktuara të BE-së për orarin e punës nëse kompania ka mbyllur për shembull një seli rajonale.
Gjykata e Drejtësisë, ka theksuar se vendimi i saj po mbronte shëndetin dhe sigurinë e punonjësve në bazë të direktivës së BE-së për orarin e punës. Vendimi erdhi pas një ankimimi në një gjykatë të Spanjës, nga kompania e sistemeve të sigurisë Tyco.
Vendimi theksoi se “fakti që punonjësit udhëtojnë kilometra e kilometra pasi kompania ka shkurtuar zyrat në qytete dhe lagje pa dëshirën e punonjësve.
“Duke i kërkuar punonjësve të mbajnë peshën e vendimeve të punëdhënësit, kjo bie në kundërshtim me rregullat e sigurisë dhe shëndetit të punonjësve, që është definuar në normativën e BE-së, që parashikon një periudhë minimale pushimi për punonjësin”.
Vendimet e Gjykatës së Drejtësisë Europiane janë unifikuese për Shqipërinë dhe Kosovën, të cilët janë futur në rrjedhën e integrimit europian dhe kanë firmosur Aquis Comunitere.
/tesheshi.com/
