Një lajmi i minutës së fundit bën me dije se Gjykata Supreme e Britanisë ka vendosur që qeveria britanike duhet të kërkojë miratimin e parlamentit për të nisur zyrtarisht procesin e largimit nga Bashkimi Europian.
Ky vendim konfirmon një verdikt të mëhershëm të Gjykatës së Lartë, dhe u mor nga 11 gjykatës, tetë prej të cilëve qenë pro tij. Vendimi hedh poshtë apelimin e qeverisë ndaj verdiktit të parë.
“Me një shumicë tetë ndaj tre, Gjykata Supreme vendosi sot se qeveria nuk mund ta vërë në lëvizje nenin 50 pa një akt të parlamentit që e autorizon atë të veprojë kështu,” deklaroi drejtuesi i kësaj gjykate, Lord Neuberger.
Ai sqaroi gjithashtu se, “Marrëdhëniet me BE-në janë çështje e qeverisë së Mbretërisë së Bashkuar,” duke u mbyllur parlamentit skocez, asamblesë së Uellsit dhe të Irlandës së Veriut që të thonë fjalën e tyre.
Kësisoj, Theresa May duhet t’ua paraqesë parlamentarëve britanikë për miratim legjislacionin për nisjen e Brexit-it. /tesheshi.com/
