I ashtuquajturi drejtor i Zyrës për Kosovën në qeverinë e Serbisë, Marko Gjuriç të shtunën do vtë vizitojë Kosovën, por për dallim nga hera e kaluar nuk do vije ilegalisht por me leje të institucioneve kosovare.
Është Ministria e Punëve të Jashtme që i ka dhënë leje Gjuriçit për festën e Pashkëve Ortodokse, siç thonë kërkesa i është aprovuar në frymën e paqes dhe mirëkuptimit me rastin e festës.
“Pa marrë parasysh që është zyrtar, ai sikurse secili pelegrin tjetër e gëzon të drejtën që të lutet në cilëndo kishë që ai dëshiron. Rregullat do t’i respektoj ngase është përballur dhe është njohur me realitetin e ri në Kosovë dhe nëpërmjet tij, me këtë realitet është njohur secili zyrtar i shtetit serb”, ka deklaruar zv.minsitrja e MPJ-së, Rejhan Vuniqi për “KosovaPress”.
Kujtojmë se Gjuriç më 26 mars u arrestua në një tubim në Veri të Mitrovicës dhe i njëjti pasi u sjell me pranga në duar në stacionin e policisë në Prishtinë dhe më pas u dërgua në kufirin në Merdar për t’ua dorëzuar autoriteteve serbe.
Ky veprim ka shkaktuar indinjatë tek serbët e Kosovës gjë që ka bërë që Lista Serbe të dal nga koalicioni qeverisës. /tesheshi.com/
