Ministria gjermane e Mbrojtjes ka paralajmëruar disa rreziqe në lidhje me blerjen e avionëve luftarakë amerikanë F-35, të prodhuar nga Lockheed Martin.
Ministria beson se ka rreziqe të mëdha në lidhje me prokurimin e planifikuar të bombarduesve “të padukshëm”.
Kjo vjen nga dokumentet konfidenciale të dorëzuara në komisionin e financave të Bundestagut.
Ministria e Mbrojtjes paralajmëron rritje të mundshme të kostove dhe vonesa.
Në dokument thuhet se aeroporti në Bihel, në perëndim të Gjermanisë, nuk do të përfundojë deri në vitin 2026 dhe nevojitet rimodelimi për F-35.
Për blerje priten 9.99 miliardë euro
Ministria tregon se kërkesat e sigurisë së Shteteve të Bashkuara të Amerikës janë të tepërta dhe se kjo mund të çojë në vonesa shtesë dhe kosto shtesë.
Ministria thekson se mund të ketë vonesë në dorëzimin e dokumenteve të nevojshme për dhënien e lejes së përdorimit të avionëve, ose të mos mund të jepeshin për shkak të çështjeve ligjore, për këtë arsye avionët mund të përdoreshin vetëm për një shtrirje e kufizuar.
Gjithashtu, Ministria përmendi faktorë të mëtejshëm që mund të çojnë në rritje të çmimeve, nga inflacioni deri te kursi i këmbimit të dollarit dhe rritja e çmimeve të prodhimit.
Gjermania ka ndarë 9,99 miliardë euro për blerjen e 35 avionëve F-35 dhe këto para duhet të vijnë nga buxheti prej 100 miliardë lekësh, i cili u krijua si emergjencë për mbrojtjen pas fillimit të luftës në Ukrainë. /tesheshi.com/
