Ministri i Jashtëm gjerman, Frank-Walter Steinmeier ka kritikuar NATO-n se po përdor një politikë luftarake ndaj Rusisë, duke e përshkruar këtë politikë si luftënxitëse, raporton gazeta gjermane Bild.
Steinmeier theksoi vendosjen e trupave të NATO-s në afërsi të kufirit me Rusinë në vendet e Baltikut ku ka aleancë ushtarake.
“Ajo që ne duhet të bëjmë është të parandalojmë situatat, të cilat nxisin më tej lutën”, – ka thënë Steinmeier në një intervistë për Bild, e cila do të publikohet ditën e diel, në datë 19.
“Kushdo që mendon se mund të rrisni sigurinë në vendet aleate me simbolikën e paradave të tankëve në kufijtë lindorë, po gabohet”, – ka shtuar diplomati gjerman.
NATO ka bërë me dije të hënën se mund të dërgojë katër batalione në Estoni, Letoni, Lituani dhe Poloni për të mbajtur nën kontroll Rusinë agresive, në kuadër të samitit të rëndësishëm të Varshavës muajin e ardhshëm.
Këto katër vende janë qeverisur më parë nga Moska dhe vijojnë të jenë burime dyshimi ndaj qëllimeve Ruse, veçanërisht pas aneksimit rus të Krimesë nga Ukraina në vitin 2014
Në një intervistë të dhënë për Bild të martën, shefi i NATO-s, Jens Stoltenberg, tha se Rusia po kërkon të krijojë një zonë infulence nëpërmjet mjeteve e qëllimeve ushtarake. /tesheshi.com/
