Gjermania votoi dje në zgjedhjet e përgjithshme parlametare, duke i dhënë të drejtën Angela Merkelit të jetë sërisht kancelare, në mandatin e 4-të rradhazi.
Por fitorja e CDU/CSU me 32 % të votave është cilësuar si e hidhur, për faktin se Unionit do t´i duhet të bëjë koalicion me të paktën dy parti të tjera, të Majtët dhe të Gjelbërit, shkruan “Die Welt”.
Fitorja e CDU/CSU shënoi rënien më të madhe në elektoratin gjerman të kristian-demokratëve, që krahasuar me 4 vjet më parë kanë humbur 8 %.
Edhe Socialdemokratët kanë një rënie me 5 % krahasuar me 2013-ën, ndërsa dje u kuotuan në 20.8%. Ata kanë deklaruar se do të qëndrojnë në opozitë, duke shmangur një koalicion me bazë të gjerë me CDU/CSU.
Rritjen më të madhe në zgjedhjet e djeshme e pati e djathtë ekstreme, e cila u kuotua me 13 % të votave, duke pësuar një rritje krahasuar me 4 vite më parë, ku nuk ishte pjesë e Bundestagut.
Në Gjermani tani ka gjashtë parti parlamentare: Unioni CDU/CSU, partia Socialdemokrate SPD; FDP, Die Linke, Të Gjelbërit dhe partia populliste AfD.
Bastionet e CDU/CSU janë: rajonet nga veriu drejt perëndimit. Përqindja më e lartë e saj është shënuar në Cloppenburg me 53,1 përqind.
Bastioni i SPD përsëri mbetet veriu i Gjermanisë, në Nordhessen si dhe pjesë të Niedersachsens. Rezultati më i mirë mbetet në “Aurich-Emden“ me 37,8 % të votave. Ky rajon njihet si vendi me numrin më të madh të protestantëve me mbi 70 përqind.
SPD veçanërisht e dobët ka dalë në zonat kufitare me Zvicrën 7.8 %, ndërsa forca e dytë ka dalë AfD me 35,5 %.
Në Berlin tani SPD është partia e tretë, pavarësisht se udhëheq komunën me Michael Müller. Ajo ka dalë me 17.9 % të votave, pas Union-it 22,7 % dhe Të Majtëve 18,8 %.
Partia populliste AfD tashmë nuk ka bastion vetëm lindjen e Gjermanisë, por edhe shumë zona tjera gjermane. Përveç rajonit gjerman në kufi me Zvicrën, AfD ka dalë e para në Saksoni, ndërsa rezultate të mira ka marrë edhe në Donau, Deggendorf dhe në një rrip prej Ulm deri Passau. Interesante është se AfD ka triumfuar edhe në Ingolstadt, vendlindjen e shefit të CSU-së, Horst Seehofer. Rezultatet të dobta për popullistët vijnë në Münster.
Për partinë e djathtë FDP ndikimi është kryesisht në zonën perëndimore gjermane dhe atë jo në qytete por në zonat periferike. Veçanërisht në zonat periferike të Hamburgut, Schleswig-Holstein dhe NRW. Rezultatin më të mirë e ka në qytetin e Dyseldorfit me 19.7 %, ndërsa më dobët në Berlin-Lichtenberg me 5.3 %.
Bastionet e Të Gjelbërve janë në Baden-Württemberg, Schleswig-Holstein dhe Südhessen, ndërsa Te Majtët (Die Linke) bastion kanë verilindjen dhe disa zona të Berlinit. /tesheshi.com/
