Gjeorgjia i kërkoi Kievit arrestimin dhe ekstradimin e ish-presidentit gjeorgjian, Mihal Sakashvili, i cili së fundi ka humbur kombësinë ukrainase.
“Ukraina ka marrë një kërkesë për arrestimin dhe ekstradimin e Mihail Sakashvilit”, deklaroi zëvendësministri ukrainas i Drejtësisë, Serhi Petuhov.
Ai shtoi se Prokuroria e Përgjithshme gjeorgjiane dha garanci për Kievin për moskryerjen e persekutimeve politike kundër Sakashvilit.
Mihail Sakashvili kërkohet nga drejtësia për abuzime me pushtetin, një akuzë që ai e cilëson të motivuar nga interesat politike.
Reformator karizmatik, ardhur në pushtet në vitin 2003, Sakashvili ka drejtuar Gjeorgjinë për një dekadë, ku ai është kritikuar për stilin e tij autoritar dhe kryesisht për luftën shkatërruese me Rusinë në vitin 2008.
Pas largimit nga vendi i tij, Saakashvili, 49 vjeç, shkoi në Ukrainë, vend ku mori kombësinë dhe ku u emërua në maj 2015 guvernator i rajonit të Odessas.
Ai dha dorëheqjen nga ky post në nëntor 2016 duke akuzuar presidentin Petro Poroshenko për grabitje të ukrainasve.
Ky i fundit i hoqi në korrik 2017 kombësinë ukrainase, duke e lënë pa shtetësi pasi Sakashvili kishte humbur edhe atë gjeorgjiane. /tesheshi.com/
