Kreu i Komandës Qendrore të SHBA-së, gjenerali Frank Mckenzie, pohon se shkaku i rënies së qeverisë afgane ishte marrëveshja e administratës së Presidentit të atëhershëm Donald Trump me talebanët nga viti 2020, e cila parashikon tërheqjen e plotë të forcave amerikane nga ai vend.
McKenzie i tha Komitetit të Shërbimeve të Armatosura të Dhomës se rënia e qeverisë afgane filloi pasi numri i ushtarëve amerikanë ra nën 2.500 me vendim të presidentit aktual Joe Biden nga prilli i këtij viti me tërheqjen e plotë deri në shtator.
Gjenerali vlerësoi se marrëveshja e Dohas kishte një “efekt katastrofik” në qeverinë dhe ushtrinë afgane, raporton AP.
Sekretari amerikan i Mbrojtjes Lloyd Austin u pajtua me atë vlerësim, duke thënë se marrëveshja ndihmoi talebanët të “forcoheshin”, sipas BBC.
Përveç përcaktimit të një date për tërheqjen, marrëveshja e Dohas parashikon një detyrim për talebanët që të ndërmarrin hapa për të parandaluar grupet si Al-Kaeda që të rrezikojnë sigurinë e Shteteve të Bashkuara dhe aleatëve të saj.
Pasi u zgjodh president i Shteteve të Bashkuara, Biden vazhdoi të zbatonte planin e tërheqjes, por afati, në vend të majit, ishte caktuar më 31 gusht. /tesheshi.com/
