Gjashtë monarkitë e Këshillit të Bashkëpunimit të Gjirit (CCG) e shpallën lëvizjen shiite libaneze Hezbullah si organizatë terroriste.
Kjo u bë e ditur nga Abdellatif Zayani, sekretari i përgjithshëm i këtij këshilli, ku bëjnë pjesë shtetet sunnite: Arabia Saudite, Bahrejni, Katari, Emiratet e Bashkuara Arabe, Omani dhe Kuvajti.
Zayani sqaroi se vendimi është marrë për shkak të vazhdimit të veprimeve luftarake nga milicitë e Hezbullahut, që rekrutojnë të rinj nga Gjiri për të zhvilluar veprime terroriste.
Raportet sunnite dhe shiite pasuan një çarje të madhe kohë më parë, kur Arabia Saudite ekzekutoi një lider shiit për terrorizëm, e ku, për pasojë, në Teheran u sulmua ambasada saudite, gjë që çoi më pas në ndërprerjen e marrëdhënieve diplomatike nga Riadi. /tesheshi.com/
