Deputeti i Kuvendit të Kosovës, Gëzim Kelmendi, ka reaguar ndaj deklaratës së liderit të AAK-së, Ramush Haradinaj, i cili u bëri thirrje klerit mysliman që të mos i varrosin të vdekurit me flamurin arab. Kelmendi ka thënë se tashmë Haradinaj po e paguan çmimin e fyerjes së myslimanëve. Por përgjigjet më të mira ia dhatë ju tash dhe ia ka dhënë populli i Kosovës me 2013 kur i humbi tri komunat kryesore dhe me 8 Qershor 2014 kur mezi arriti të hyj në Kuvendin e Kosovës, ka shkruar Kelmendi ne Facebook.
KOMENTI
“Deklaratë sa qesharake aq edhe pasqyruese, se çka kanë në zemrat e tyre disa politikanë të Kosovës. Desha t’i përgjigjem kolegut deputet Ramush Haradinaj për fyerjen e vazhdueshme që ia bën Islamit dhe Muslimanëve.
Por përgjigjet më të mira ia dhatë ju tash dhe ia ka dhënë populli i Kosovës me 2013-ën kur i humbi tri komunat kryesore dhe me 8 Qershor 2014 kur mezi arriti të hyjë në Kuvendin e Kosovës. Komplimente dhe përgëzime të nderuar qytetarë nga të gjitha trevat shqiptare.
Vërtet më keni bërë krenar dhe të lumtur se si me argumente dhe dashuri mbroni parimet tona fetare dhe kombëtare kur dikush nga injoranca dhe nga urrejtja sulmon identitetin tonë. Ju edhe njëherë treguat se besoni, e doni Kombin dhe jeni të gatshëm t’i mbroni në çdo kohë dhe nga çdo kush. I juaji,Gëzim Kelmendi
/tesheshi.com/
