Mund të duket e çuditshme, por ja që është e vërtetë. Amerikanët janë shprehur më shumë në favor të ish-Presidentit George W Bush sesa Presidentit aktual Barack Obama.
Është hera e parë pas një dekade që amerikanët shprehen në favor të Bushit siç ndodhi në sondazhin e kryer nga CNN/ORC, i cili u publikua gjatë ditës së sotme.
Bush shikohet në favor nga 51 përqind e të pyeturve, ndërkohë që 43% vazhdojnë ta shohin në disfavor presidentin e 43 të Shteteve të Bashkuara të Amerikës. Amerikanët janë të ndarë në mënyrë thuajse të njëjtë për Obamën kur thiajse 49% e shohin pro dhe e njëta shifër kundër.
Hera e fundit kur Bush ka marrë rezultate pozitive nga një sondazh ka qenë viti 2005, vetëm 3 muaj nga nisja e mandatit të tij të dytë.
Tek presidentët që jetojnë, George H.W Bush dhe Bill Clinton kanë popullaritet pozitiv: Me 64% në favor për të dy ish krerët e shtetëve. Vetëm 30% e shikon Bushin e ri negativisht dhe 33 përqind kanë mendim negativ për Clinton.
Kur në vitin 2014 u bë e njëjta pyetje presidenti i 43 i SHBA shikohej vetëm me 43% pozitivisht duke vazhduar trendin negativ të popullaritetit pasi ka lënë detyrën, ndërkohë në shkurtin e vitit 2009 ai kishte vetëm 33% të njerëzve në favor.
Sondazhi është kryer më 29-31 Maj me telefon tek një numër prej1,025 qytetarëve amerikanë në të gjithë territorin e SHBA me një marzh gabimi prej 3 përqindëve.
Marrë nga politico.com – /tesheshi.com/
