Pas deklaratës se Ivica Daçiç, i cili kishte thënë se pranimi i Kosovës në agjencinë e Kombeve të Bashkuara për Arsim Shkencë dhe Kulturë (UNESCO), do të ishte absurde.
Sipas Daçiçit s’mund të jetë anëtar i UNESCO-s një vend islamik.
Ka reaguar zv/ministri i Administrimit të Pushtetit Lokal, Bajram Gecaj, i cili e ka quajtur kriminale deklaratën e Ministrit të Jashtëm të Serbisë, Ivica Daçiç.
“Deklarata e ministrit të Jashtëm të Serbisë, Ivica Daciç, edhe një herë dëshmon se as Daçiç dhe as politika serbe ende nuk po mund të shkëputen plotësisht nga e kaluara kriminale e shtetit të Serbisë. Daçiç ishte pjesë e regjimit të Serbisë në kohën kur ai regjim në mënyrë të organizuar dogji mbi 200 xhami dhe objekte të tjera të kultit në Kosovë, mbylli shkollat dhe fakultetet në gjuhën shqipe, grabiti pasuritë e trashëgimisë kulturore…”, ka thënë Gecaj.
Sipas tij, deklarata e tillë e Daçiçit e vështirëson edhe më shumë përmirësimin e raporteve ndërshtetërore mes Kosovës e Serbisë.
“Ndërsa tani, mu ai mundohet të barazoi një krim të tillë, të organizuar dhe të planifikuar nga organet e tyre shtetërore, me një pakënaqësi të rastit të disa njerëzve në Kosovë, pakënaqësi të cilën institucionet e Kosovës, jo vetëm që nuk e organizuan, por që bën çmos për parandalimin dhe në fund edhe dhënien fund të saj,” ka shkruar Gecaj në reagimin e tij./tesheshi.com/
