Gazetari kontrovers i cili shquhet për qëndrime nacionaliste kundër shqiptarëve, Milenko Nedellkovski, ka komentuar zhvillimin e seancës gjyqësore për “Lagjen e Trimave” në Kumanovë. Sipas tij është e pakuptimtë që të shpenzohen aq mjete financiare dhe kadrovike për seancat e rregullta të këtij rasti, kur i njëjti kishte mundur të kryhet që në fillim dhe me shpenzime shumë më të ulëta. Pra duke i vrarë, një nga një ushtarët e UÇK-së, të cilët u arrestuan nga policia, pasi që ishin dorëzuar.
“Kjo me gjykimin për “Lagjen e Trimave” është vetëm harxhim(shpenzim)!!! Helikopterë, automjete, njësite speciale, kontrolle, çmenduri…
Dhe paramendoni e gjitha mund të zgjidheshte që në fillim, për 15 minuta, me 15 euro shpenzim.
Tak, tak, tak dhe hajt!”, ka shkruar në Facebook, Milenko Nedelkovski. /tesheshi.com/
