Njëri ndër gazetarët më kontrovers maqedonas, Sashe Ivanovski i cili me pyetjet e tij drejtuar funksionarëve të lartë shtetëror, shpesh herë ka ditur ti vë në siklet ato, bile edhe duke u sulmuar nga disa prej tyre, në rrjetin social facebook ka komentuar mbi dygjuhësinë në Maqedoni.
Atij aspak nuk i pengon gjuha shqipe, por dëshiron drejtësi dhe mirëqenie. Madje ai dëshiron ta mëson gjuhën shqipe në mënyrë që të ndjekë mediat në këtë gjuhë, dhe ta ketë më të lehtë komunikimin në vendbanimet shqiptare.
“Patjetër duhet të pranoj se edhe në radhët opozitare ka fanatikë nacionalistë që tremben nga shqiptarët dhe i urrejnë ata. Qëndrimi im për këtë çështje është shumë i qartë: Nuk ma ndinë …. se kush dhe ku si flet!!! Dua që të gjithë ta duan vendin dhe ta ndjejnë si atdhe të tyre. Nëse duan të flasin gjuhën e tyre amtare, le ta flasin, Në aspekt teknik është vështirë që të zbatohet kjo për të gjithë, por ata le ta flasin gjuhën e tyre në institucione. Unë nuk dua të hyjë në këtë çështje, por dua ti ndihmojë që të realizojnë këtë të drejtë, që do të thotë se nuk jam indiferent, vetëm dua të them se nuk jam i shqetësuar, dhe nuk ndjehem i rrezikuar nëse dikush flet në gjuhën e tij amtare në institucione tona. Madje dua ta mësojë gjuhën shqipe për të ndjekur mediat e tyre dhe për të komunikuar më mirë në Çarshinë e Vjetër apo në Bit Pazar. Shqiptarët janë shumë në Ballkan, si në Kosovë dhe Shqipëri dhe njohja e kësaj gjuhe do të më hyjë në punë. Më shumë më interes që në vend të ketë drejtësi, institucione, përgjegjësi, demokraci, liri, prosperitet, para”, ka shkruar gazetari Sashe Ivanovski në rrjetin social facebook. /tesheshi.com/
