Një vajzë e vogël lindi me prerje cezariane pasi nëna e saj u vra së bashku me burrin dhe vajzën e saj në një sulm izraelit në Rafah të Rripit të Gazës, ku gjithsej 19 persona vdiqën gjatë natës në intensifikimin e sulmeve në pjesën jugore të qytetit palestinez. thanë mjekët.
Ata 19 persona, mes tyre 13 fëmijë të një familjeje, u vranë nga një sulm izraelit kundër dy shtëpive, shtuan të njëjtat burime.
Foshnja, e cila peshon 1.4 kg dhe ka lindur me prerje cezariane, është në një gjendje të qëndrueshme dhe shëndeti i tij po përmirësohet gradualisht, shpjegoi Mohamed Salama, mjeku përgjegjës.
▶️A baby girl was delivered from the womb of a Palestinian woman killed along with her husband and daughter by an Israeli attack in Gaza’s Rafah, Palestinian health officials said.
(Reuters)
https://t.co/zEaEldyjfV pic.twitter.com/3teRR5H3q6— Voice of America (@VOANews) April 22, 2024
Nëna e saj, Sabrin al-Sakani, ishte 30 javë shtatzënë kur u vra.
Foshnja u vendos në një inkubator në një spital në Rafah, me fjalët “foshnja e martirit Sabrin al-Shakani” të ngjitura në gjoks.
Malak, vajza e vogël e Sakanit, e cila u vra në sulmin izraelit, donte ta emëronte motrën e saj Ruh, që do të thotë “shpirt” në arabisht, tha xhaxhai i saj Rami al-Sheikh.
Foshnja do të qëndrojë në spital për tre deri në katër javë, tha Salama. “Atëherë do të shohim se ku shkon ky fëmijë, te familja, te tezja, daja apo gjyshërit. Kjo është tragjedia më e madhe: edhe nëse ky fëmijë ka mbijetuar, ka lindur jetim”, shpjegoi ai.
Trembëdhjetë fëmijë dhe dy gra u vranë në sulmin në shtëpinë e dytë, e cila i përkiste familjes Abdel Aal, sipas zyrtarëve palestinezë.
Kur u pyet për viktimat në Rafah, një zëdhënës i ushtrisë izraelite tha se objektiva të ndryshëm ushtarakë u goditën në Gaza, duke përfshirë infrastrukturën ushtarake, raketahedhës dhe persona të armatosur.
“A keni parë ndonjë burrë midis të vdekurve?”, pyeti Saqr Abdel Aal, një palestinez, familja e të cilit është në mesin e të vdekurve, i pikëlluar për trupin e një fëmije të mbështjellë me një qefin të bardhë.
“Ata janë të gjitha gra dhe fëmijë”, shtoi ai.
Mohammadal Behairi tha se vajza dhe mbesa e tij ishin ende nën rrënoja. “Kemi një ndjenjë trishtimi, depresioni, nuk na mbetet asgjë në jetë për të qarë, çfarë tjetër për të ndier? Kur humbisni fëmijët tuaj, kur humbisni ata që doni më shumë, si ndiheni?”
Varr masiv
Nga ana e tyre, Autoriteti Palestinez njoftoi se 60 trupa u gjetën nga një varr masiv në spitalin Nasser në qytetin Khan Yunis, disa javë pasi forcat izraelite u tërhoqën nga aty. Me këta të vdekur, numri i trupave të gjetur në oborrin e spitalit që prej datës 12 prill rritet në 210.
Sipas të njëjtit burim, rreth 2,000 njerëz janë ende të zhdukur në rrënojat në Khan Younis, si dhe 1,000 të tjerë në Rripin qendror të Gazës, por trupat e tyre nuk mund të nxirren nga rrënojat pasi nuk ka makineri të rënda. /tesheshi.com/
