Është kryer në Presidencë ceremonia e betimit të ministrave të rinj, ku mungesa e vetme ka qenë ajo e njeriut që do drejtojë Ministrinë e Jashtmë ne vend të Bushatit, që siç dihet është vetëpropozuar Rama, pas refuzimit politik të Cakajt nga ana e kreut të shtetit.
I pari që bëri betimin me dorën mbi Kushtetutë ishte numri dy i qeverisë, zv/kryeministri Erion Braçe, për t’u pasuar nga: ministrja e Financave, Anila Denaj; ministrja e Transportit dhe Energjisë, Belinda Balluku; ministrja e Arsimit, Besa Shahini; ministri i Bujqësisë, Bledi Çuçi; ministrja e Kulturës, Elva Margariti; ministri i Shtetit për Sipërmarrjen, Eduard Shalsi; si dhe ministrja e Shtetit për Parlamentin, Elisa Spiropali.
Sa për Ramën si ministër i Jashtëm, Meta është shprehur se “po e shqyrton kandidaturën”. /tesheshi.com/
