Lulzim Basha dhe Eduard Selami kanë vendosur këtë të mërkurë kalendarin e takimeve të fushatës elektorale. Si asnjëherë tjetër, të dy kandidatët kanë vendosur ta nisin fushatën nga qyteti i Lezhës.
Basha dhe Selami do ta nisin nesër nga Lezha, por do të jenë takime të veçanta me anëtarësinë e PD dhe jo përballje.
Në këto takime dy kandidatët do të shoqërohen nga kryetarët e degës së PD. Sipas udhëzimit të miratuar një ditë më parë nga komisioni për organizimin e procesit elektoral, 60 degët e PD kanë detyrimin të organizojnë takimet e kandidateve, duke u krijuar mundësitë për të shpalosur vizionin e tyre para anëtarëve të PD./tesheshi.com/
