Ka përfunduar takimi në mes kryeparlamentarit Kadri Veseli dhe përfaqësuesit e shoqatave të dala nga lufta e UÇK-së.
Pas këtij takimit, Veseli ka deklaruar për median se i ka njoftuar përfaqësuesit e shoqatave të dala nga lufta për procesin e themelimit të Gjykatës Speciale, ku është paraparë që këtë të premte Kuvendi të mbajë seancë për themelimin e kësaj gjykate.
Ai po ashtu ka thënë se Gjykata Speciale do të themelohet dhe kjo, sipas tij, nuk e cënon sovranitetin e vendit.
Më tej ai ka shtuar se është e domosdoshme që në këtë proces të ruhet partneriteti me SHBA-në dhe BE-në.
Ndërsa në anën tjetër kryetari i Shoqatës së Familjeve të Dëshmorëve, Xhavit Jashari, ka rikonfirmuar se shoqatat e luftës së UÇK-së janë kundër themelimit të Gjykatës Speciale, ashtu siç kanë qenë kundër UNMIK-ut dhe EULEX-it që, sipas tij, kanë bërë gjykime të padrejta ndaj luftëtarëve të UÇK-së.
Këta të fundit nuk ka treguar nëse do të protestojnë të premten kur do të dalin në votim amendamentet kushtetuese për themelimin e Gjykatës Speciale. /tesheshi.com/
