Të gjithë ministrat e financave të G20-ws shprehën optimizmin e tyre mbi perspektivat e ekonomisë globale, e cila pritet të ketë rritje, mbi rreziqet që vijnë nga rritja e dobët ekonomike e vendeve në zhvillim si dhe nga luhatjet e kursit të këmbimit dhe tregjet financiare.
Në një deklaratë të përbashkët, ministrat e financave dhe guvernatorët e bankave qendrore të G20-ës përshëndetën treguesit e përmirësimit ekonomik të vendeve të pasura, duke konsideruar se rreziqet për ekonominë globale janë bërë më të ulëta sesa ishin nga takimi i fundit i grupit.
Të pranishmit në takimin e mbajtur në Uashington, sqaruan krahas takimeve pranverore të Fondit Monetar Ndërkombëtar dhe Bankës Botërore, se ekonomia vendeve të zhvilluara – veçanërisht të Eurozonës dhe Japonisë – do të njohin përmirësim në afat-shkurtër, ndërsa Shtetet e Bashkuara dhe Britania do të vazhdojnë të kenë një rritje të fortë, e cila do të ndihmojë për të mbështetur rimëkëmbjen ekonomike globale.
Luhatjet dhe tensionet
Paralelisht me zërin optimist të G20-ës, ministrat e financave paralajmëruan se rreziqe të mëdha ekzistojnë ende, sidomos me luhatjet në kursin e këmbimit, vazhdimi normave të ulëta të inflacionit, pranisw sw pabarazive të brendshme dhe të jashtme, si dhe nga nivelet e larta të borxheve të shteteve, shtoi kwtu dhe tensionet gjeopolitike.
Deklarata e ministrave të financave të G20-ws thekson se “në dritën e politikave monetare të ndryshme pwrballw rritjes sw paqëndrueshmërisë së tregjeve financiare, politika duhet t`i trajtojw me shumë kujdes ato dhe të bëjë sqarimet relevante, me qëllim që të zvogwlohen pasojat negative.”
Shqetësimet themelore fokusohen mbi ekonomitë në zhvillim, të cilat kanë dëshmuar së fundmi ‘’një fluturim të kapitaleve jashtë’’, pasi investitorët i transferojnë paratë e tyre nga këto ekonomi tek Shtetet e Bashkuara për të korrur fitime më të mëdha, sidomos pas vendimit që pritet të rrisë normat e interesit atje. /tesheshi.com/
