Policia në Çikago tha se kishte arrestuar Robert E. Crimo, i dyshuari për të shtënat që vranë gjashtë persona dhe plagosën më shumë se 36 persona të hënën, kur ai qëlloi me pushkë nga një çati në një festë të Ditës së Pavarësisë në Highland Park, një periferi të Çikagos.
Policia rrethoi makinën dhe Crimo doli me duart lart, sipas një videoje nga filiali i Chicago ABC News.
Eyewitness footage captures the moment the 22-year-old person of interest in the Highland Park, Illinois, mass shooting that left at least six people dead was taken into custody. https://t.co/o47sHDmjp6 pic.twitter.com/omLOOxsj0a
— ABC News (@ABC) July 5, 2022
Crimo ishte shtrirë në tokë përpara se policia ta merrte në paraburgim.
Policia nuk e ka përcaktuar motivin e të shtënave.
Dukej si fishekzjarre, tha mjeku në pension Richard Kaufman, i cili po qëndronte në rrugën përballë vendit ku sulmuesi hapi zjarr, duke shtuar se dëgjoi rreth 200 të shtëna.
U bë një zhurmë, njerëzit kërkonin strehim, disa edhe të gjakosur, duke u penguar me njëri-tjetrin.
My video.. I was at #Highland Park parade.. Terrified people fleeing July 4th parade when shooting started. pic.twitter.com/DSe0NJOuem
— Lynn Sweet (@lynnsweet) July 4, 2022
Presidenti i SHBA Joe Biden tha se ai dhe gruaja e tij Jill ishin të tronditur nga dhuna e pakuptimtë me armë që solli edhe një herë trishtim në komunitetin amerikan në Ditën e Pavarësisë.
“Kam ofruar mbështetjen e plotë të qeverisë federale dhe i kam bërë thirrje policisë federale që të ndihmojë në kërkimin e menjëhershëm të vrasësit”, shtoi Biden.
Në deklaratën e tij, ai iu referua reformës legjislative që lidhet me armët që nënshkroi së fundmi, duke thënë se ka ende shumë për të bërë dhe duke shtuar se nuk do të heqë dorë nga lufta kundër epidemisë së dhunës me armë.
Të shtënat vijnë pasi dhuna me armë është ende e freskët në mendjet e shumë amerikanëve pas masakrës së 24 majit që vrau 19 nxënës dhe dy mësues në një shkollë fillore në Uvalde, Teksas dhe sulmin e 14 majit në një supermarket Buffalo, ku u vranë 10 persona. /tesheshi.com/
