Nuk ka zgjatur më shumë se 2 muaj aventura e ish-trajnerit të Kombëtares së Shqipërisë, Gianni De Biazi, në krye të stolit të Alaves në Spanjë.
Klubi ka njoftuar ndërprerjen e marrëdhënies me italianin, pas 6 humbjesh që skuadra pësoi, në 8 javë të luajtura me të si trajner.
Fatale për trajnerin që ka edhe nënshtetësinë shqiptare, ishin 2 humbjet e fundit ndaj Getafe dhe Eibar. Alaves ndodhet në vendin e fundit të La Ligas, 6 pikë larg vendit të katërt nga fundi, që nënkupton mundësinë për të luajtur në play off.
De Biazi e nisi në mënyrën më të mirë trajningun tek Alaves, duke fituar menjëherë jashtë fushe, por kalendari i vështirë dhe vecanërisht humbjet me kundërshtarët direktë, e rizbritën skuadrën në vendin e fundit. /tesheshi.com/
