Abou Diaby vazhdon të mbetet jashtë fushave të blerta për shkak të lëndimit. Në fakt futbollisti që një kohë të gjatë është në rikuperim e sipër dhe duket që të mungojë në startin e sezonit të ri. Meqë futbollisti ndodhet një kohë të gjatë jashtë fushave, disa tifozë kanë vendosur të bëjnë shaka me të duke i ndërruar të dhënat në Wikipedi. Skuadra aktuale e francezit rezulton të jetë “Spitali” pasi ai më shumë qëndron atje se në klubin e tij Arsenal.
Francezi iu bashkua Arsenalit në vitin 2006 nga Auxerre, dhe në dhjetë sezona nuk ka patur më shumë se 146 paraqitje. Kjo jo për faktin se atij i mungoin ‘klasi’, mirëpo lëndimet e shpeshta kanë ndikuar që ai të qëndrojë më shumë në spital për tu rikuperuar sesa brenda tapetit jeshil për ti ndihmuar topçinjëve në organizimin e lojës. Disa fansa londinez tashmë të lodhur nga kjo situatë kanë vendosur të tallin futbollistin duke i ndërruar skuadrën në Wikipedia, nga Arsenal te “Hospital”. /tesheshi.com/
