Publiku në pjesën më të madhe të rasteve njeh vetëm anën sportive të futbollistëve që luajnë në fushën e gjelbër.
Por, jeta private e futbollistëve dhe ngjarjet e rënda që ata kanë përjetuar kanë lënë gjurmë në formimin e tyre. Ja që disa prej tyre nuk kanë pasur një fëmijëri të lehtë. Vdekjet e prindërve dhe aksidentet e ndryshme janë disa nga ngjarjet tronditëse që kanë përjetuar, e që megjithatë nuk i mposhtën. Ata nuk u dorëzuan dhe arritën të kapnin majat e futbollit botëror, madje duke qenë edhe si model për të tjerët.
“Tesheshi.com”, u sjell disa raste të futbollistëve që në fund ia dolën të kapnin majat e futbollit botëror:
1. Jakub Blaszczykowski.
Mesfushori polak ka përjetuar një traumë të tmerrshme në fëmijërinë e tij, e vonë, ka pranuar që kujtimet lidhur me atë rast ende i ka të freskëta. Në moshën 10-vjeçare, ai dhe vëllai i tij përjetuan tmerrin me sy, ndërsa ishin dëshmitarë sesi babai u vrau nënën me thikë. Pas këtij rasti shokues, futbollisti nuk ishte në gjendje për të vazhduar më karrierën. Por, këmbëngulja e xhaxhait të tij bëri që ai të vazhdonte me futbollin dhe sot të jetë një ndër futbollistët më të kërkuar në treg. Ende sot, gjithmonë kur shënon ndonjë gol bën “bekimin” dhe ia dedikon nënës së tij.
2. Carloz Tevez.
Vetëm 10 muaj pasi erdhi në këtë botë, ai u dogj me ujë të nxehtë. Prindërit e tij që nuk dinin sesi të vepronin kishin lagur një peshqir të ftohtë dhe ia kishin vendosur në fytyrë dhe rreth qafës, për ta keqësuar gjendjen edhe më tej, e sot e tutje ai mbart nishanin. Ky aksident nuk do të ishte asgjë në krahasim me “shokun” që do e përjetonte më vonë. Në moshën 5-vjeçare ai e humbi babanë e tij, pasi u qëllua për vdekje me armë zjarri dhe mamaja e tij e kishte braktisur. Sikur të mos mjaftonte kjo. Disa muaj pasi ishte adoptuar, prindërit e tij të rinj ishin sekuestruar. Por, më vonë gjithçka iu rikthye normalitetit, por këto vuajte ende janë në kokën e futbollistit.
3. Cuadrado.
Si katërvjeçar mban kujtimet se si një grup i armatosur ishte futur brenda shtëpisë dhe kishin lënë të vdekur babain e tij. Që atëherë nëna e tij vendosi t’i përkushtohej studimit dhe punës. Ndërkohë, që ai e kalonte ditën duke luajtur futboll. Në njërën prej këtyre ditëve, ai aksidentohet nga një kamion. Nëna e tij vendosi t’ia hidhte gjithë gjërat e futbollit, mirëpo Cuadrado nuk hoqi dorë e sot është në majat më të larta të tij.
4. Mario Balotelli.
Lindi me probleme shëndetësore në një familje ganeze pa të ardhura financiare që vendosën të zhvendosen nga Palermo në Brescia, në kërkim të një jetë më të mirë. Por, situata nuk u përmirësua aspak dhe kështu Mario kaloi dy vite në një nga spitalet e qytetit, ku u birësua nga një familje. Që atëherë ai gjithë zemërimin e tij e kishte shfryrë duke goditur topin dhe si gjashtëmbëdhjetëvjeçar arriti të hyjë në rradhët e Interit të Milanos.
5. Franck Ribery.
Kur ishte vetëm dy vjeç së bashku me babanë e tij pësuan një aksident të rëndë me makinë. Franck arriti të shpëtojë, por lëndimi nga xhamat e makinës mbeten ende shenjë kujtimi në fytyrën e tij. Që atëherë fëmijët talleshin me të dhe kjo e kishte bërë edhe më nervoz. Gjithë ditën e kalonte duke luajtur futboll por ishte problematiku numër një. Ai u përjashtua nga shkolla dhe e filloi jetën e tij si punëtor krahu, më saktësisht si murator. Por, futbolli i dha mundësinë e tij jetësore. Në vitin 2002 ai njohu një vajzë të cilën tani e ka grua e cila edhe ia ndryshoi jetën.
- Javad Nekounam.
Njëri ndër lojtarët më të mirë që ka patur ndonjëherë skuadra spanjolle Osasuna dhe kapiteni më i mirë i kombëtares iraniane të futbollit. Por, për të ardhur deri këtu ka vuajtur shumë. Duke luajtur së bashku me të vëllanë në shtëpi kanë shkaktuar një aksident, nga i cili ende ka pasoja dhe shenja në trupin e tij. Kur vendi i tij hyri në luftë me Irakun, ndërsa luante futboll, gjithë mund të shihte ishin raketat mbi kokë dhe të shtënat e ushtrisë. Pavarësisht gjithë kësaj, Javad u bë futbollisti i parë iranian që ka luajtur në ligën më të mirë në botë dhe është bërë simbol i një skuadre që shikuesit e saj gjithmonë do ta kujtojnë.
/tesheshi.com/
