Gjuha shqipe është prezente në fushatën zgjedhore zyrtare që autoritetet e Kantonit të Gjenevës në Zvicër po zhvillojnë këto ditë deri më 19 prill kur do të zgjidhen drejtuesit dhe këshilltarët e 45 komunave.
Autoritetet kanë shpërndarë afishe në të gjitha gjuhët më të pranishme në komunitetet që jetojnë në Zvicër. Një kandidat që garon për Keshilltar në kantonin e Gjenevës ka pohuar për “Presheva jonë” se “edhe shqiptarët janë pjesë e kulutrës, politikës dhe qytetërimit tonë. Unë si shumë të tjerë jam krenar që kemi miq shqiptarë nga Kosova, Shqipëria apo ngado që janë ata. Shqiptarët janë punëtorë, të vyeshëm dhe të integruar mirë dhe bashkërisht mendojnë për perspektivën e mjedisit ku jetojmë e veprojmë”.
Remo Ahmeti dhe Sami Gashi, dy shtetas të Zvicrës, shqiptarë nga Kosova, i pari afarist dhe i dyti administrator, të njohur në Gjenevë janë kandidatët nga radhët e Partisë Demokristiane (Parti démocrate-chrétien -PDC) për këshilltar në qytetin e Gjenvës dhe Vernier për zgjedhjet komunale të pranverës që do të mbahen me 19 prill te këtij viti. “Në kantonin tonë në Gjenevë nuk i kemi këto probleme të spoteve apo afisheve në gjuhën shqipe.
Fushata jonë ka nisur në gjiuhën shqipe. Afishet ona në shqip kanë pushtuar rrugët e qytetit qoftë në mure, lokale apo në mjete trasnportuese të shtetit, si në autobus etj.. Edhe ne shqiptarët jemi qytetarë të Gjenevës, të Zvicrës që i kemi kontribuar në proceset demokratike dhe ndërtimit, zhvillimit te vendit, këtë e thonë edhe vetë zviceranët. Prandaj kanonet e tjera duhet të ndjekin rrugën e kantonit të Gjenevës, të tolerancës dhe respektit ndaj komuniteteve, në këte vend, në këte rast të gjuhes shqipe, të një komunieti më të madh dhe më të rendesishëm ne Gjenevë”, thonë Gashi e Ahmeti.
