Zemërimi i tifozëve të Arsenalit lidhur me ndeshjen derbi të luajtur në fundjavë ndaj rivalit lokal, Chelsea vazhdon tani me një fushatë të tepruar e të çuditshme. Hapi i parë ishte nënshkrimi i peticionit që do të ndalonte arbitrin Mike Dean të gjykojë ndeshjet e topçinjëve. Por, tani ata kërkojnë që të bojkotohet kafeneja “Costa”. “Faji” i vetëm i kësaj kafeneje, është se mban emrin e e futbollistit spanjoll Diego Costa, i cili ishte aktori kryesor në incidentin ku e pësoi mbrojtësi i Arsenalit, Gabriel Paulista me përjashtim.
Të revoltuar lidhur me gjykimin e ndeshjes derbi ndaj Chelsea-t, tifozët e skuadrës Arsenal kishin nisur nënshkrimin e një peticioni që do e ndalonte arbitrin e asaj ndeshje Mike Dean të gjykojë “revolveristët”. Ndiq artikullin: http://localhost/tesheshi/fansat-e-arsenalit-peticion-kunder-gjyqtarit-mike-deane-nuk-duhet-te-gjykoje-me-topcinjte/
Tani “goners” kanë ndërmarrë një fushatë zemërake, duke kërkuar bojkotimin e kafenesë “Costa”, që mban emrin e futbollistit spanjoll i cili akuzohet se u bë shkak për nxjerrjen jashtë të mbrojtësit Gabriel Paulista nga gjyqtari Dean.
Kjo me siguri do të jetë një nga fushatat më të paqëlluara të organizuara nga tifozët e futbollit, pasi kafeneja nuk ka lidhje fare me fatin e një ndeshjeje futbolli, ku ka të humbur dhe të fituar. /tesheshi.com/
