Kujdes: disa pamje janë të rënda
Në moshën 15 vjeçare Laxmi Agarëal u sulmua nga një burrë 32 vjeçar, të cilit i refuzoi kërkesën për martesë. Pas këtij refuzimi, ai i hodhi acid në fytyrë duke i shkaktuar shenja shumë evidente, të cilat i ngelën gjatë gjithë jetës.
Një dekadë më vonë ajo ka arritur të jetë drejtuesja e një fondacioni për të mbrojtur personat e mbijetuar nga sulmet acide. Gjithashtu Laxmi jep lajmet në një stacion televiziv në Indi si dhe është bërë fytyra e një brendi veshjesh, falë fushatës publicitare Viva N Diva’s “Face of Courage”.
“Kjo mundësi për të prezantuar një brend ishte një platformë për mua që të bëhem shembull i femrave që kanë histori të ngjashme si e imja, si dhe që ato të fitojnë vetëbesimin e të jenë me guxim, pavarësisht aparencës së tyre”,- ka thënë Laxmi për BBC.
“Kjo ishte gjithashtu një platformë për mua, për të dhënë një mesazh të qartë për kriminelët, se femrat nuk do të humbasin guximin t’i denoncojnë ata që ju shkatërrojnë bukurinë fizike”,- thotë ajo në videon, të cilën e gjeni dhe më poshtë./tesheshi.com/
