Është varrosur sot në Lipjan shtatzëna Hamide Magashi 35 vjeçe, e cila u vra brutalisht para klinikës gjinekologjike në Prishtinë.
Imami i xhamisë në Lipjan, Vehbi Gajtazi, pas funeralit ka thënë për mediat vendase se Magashi është varrosur me një foshnjë në bark.
Teksa dheu mbuloi trupin e 35-vjeçares Hamide Magashi, të cilës ish-bashkëshorti Sokol Halili ia mori jetën me armë, dhimbjen më të madhe e përjetuan motrat e saj.
Gjithçka ndodhi rreth orës 18:00 të 31 nëntorit.
Halili, 31 vjeç, është vetëvrarë sot pasi është lokalizuar nga policia. Ai refuzoi të dorëzohej.
Sokoli dhe Hamide ishin të martuar për vetëm katër muaj dhe më pas u ndanë.
Hamide jetonte në shtëpinë e prindërve të saj në Lipjan. Në ditën tragjike ajo shkoi në klinikën në Prishtinë për një kontroll para lindjes, që pritej javën e ardhshme.
Halili mori një masë ndalimi për shkak se e kërcënoi gruan e tij më 10 gusht në shtëpinë e prindërve të saj.
Doli gjithashtu se i dyshuari ishte dënuar dhe gjobitur nga gjykata në Ferizaj për armëmbajtje pa leje.
Motra e viktimës thotë se Hamide ka pësuar dhunë në familje.
“Sa herë që e telefononim, ajo thoshte se nuk mund të fliste”, tha ajo, duke shtuar se gruaja shtatzënë duhej të shoqërohej nga vjehrra edhe kur donte të shkonte te motrat e saj.
Siç shpjegoi në një intervistë, partneri i saj e ka rrahur vazhdimisht me armë në kokë. /tesheshi.com/
