Numri i emigrantëve në kufijtë e Europës ka arritur një numër rekord prej 107 mijë e 500 personash në korrik, thanë burime zyrtare, ndërsa një rritje dramatike e kërkesave për azil është raportuar nga Gjermania.
Ky vend ka përjetuar një valë emigracioni nga Siria dhe nga Ballkani, dhe tashmë thotë se mund të marrë 750 mijë kërkesa për azil këtë vit.
BE ndodhet në vështirësi për të përballuar valën e ardhjeve të emigrantëve në muajt e fundit. Franca dhe Britania thonë se do ta zgjidhin në bashkëpunim krizën e emigrantëve në eurotunel.
Gjatë verës, me mijëra emigrant kërkuan të kalojnë në Britani përmes tunelit që lidh dy vendet.
Agjencia e kufijve e BE-së Frontex thotë se numri i emigrantëve që tejkalon shifrën 100 mijë në një muaj të vetëm është e para herë që ndodh prej vitit 2008, kur agjencia mban regjistrime.
Agjencia me seli në Varshavë tha se mbi 107 mijë emigrantët që mbërritën në korrik përbëjnë rekordin e tretë radhazi, pasi më shumë se 70 mijë emigrantë arritën në qershor, e po ashtu në maj. /tesheshi.com/
