Frika nga vjedhja dhe manipulimi i votës, siç pati ndodhur në disa zona në zgjedhjet e përgjithshme të vitit 2014, ka bërë që partitë politike në vend t’i forcojnë radhët e tyre për 11 qershor.
Rreth 40 mijë vëzhgues dhe komisionerë pritet të angazhohen për ditën e zgjedhjeve. Kështu kanë bërë të ditur për “Zërin” anëtarët e partive brenda KQZ-së.
Sa i përket pagesës, mësohet se vëzhguesit do të paguhen nga vetë partitë politike, kurse për komisionerët dhe personelin tjetër shpenzohet më shumë se gjysma e buxhetit të ndarë për procesin zgjedhor, i cili aktualisht është mbi 5 milionë euro.
Ndryshe, policia ka ditë që ka njoftuar se e ka gati planin sesi do të veprojë në zgjedhjet e së dielës. /tesheshi.com/
