Francesco Nuti, komiku i madh italian, duket se nuk ka gjetur qetësi ndërsa është i sëmurë prej kohësh. I keqtrajtuar, poshtëruar e rrahur nga kujdestari gjeorgjian. Është ky hetimi që ka nisur nga prokuroria e Pratos në Itali, që është nisur nga një denoncim nga një njeri i afërt i aktorit. Ky i fundit pretendon se e ka parë me sytë e tij sjelljen brutale të kujdestarit.
Pas hapave të parë të hetimit, gjykatësi ka vendosur largimin e kujdestarit i cili do të merret në pyetje pas 10 ditësh. Hetimet sipas gjykatësit i cili ka folur për mediat italiane kanë qenë të shpejta me synimin për të ndaluar gjeorgjanin t’i afrohej Nutit.
Ngjarjen e ka sjellë në vëmendjen e prokurorisë, vëllai i regjisorit, Giovanni Nuti. Gjatë hetimeve, Francesco Nuti, prej kohësh i sëmurë, ka shkruar një biletë me fjalët “Kam frikë”.
Sipas të dhënave të mbledhura deri tani nga prokuroria, keqtrajtimet duhet të kenë nisur që para një viti, ose nga momenti kur nëna e artistit nuk jetonte më me të. Goditje në qafë, poshtërim dhe praktikim të dhunshëm të shërbimeve që kujdestari duhet të kryentë për çdo ditë ndaj regjisorit.
Denoncimin e këtij keqtrajtimi e bëri fillimisht një djalosh afrikan që u mor në punë për disa muaj që të zëvendësonte kujdestarin gjeorgjian kur ky i fundit shkoi me pushime. Gjatë kohës së kujdestarisë së tij, djaloshi vuri re keqtrajtimin dhe ia tregoi vazjës së vëllait të regjisorit. Ajo së bashku me të atin nuk hezituan të denonconin.
Kalvari i artistit
10 vjetët e fundit të aktorit-regjisor kanë kaluar përmes një kalvari hapash përpara e pas në gjendjen e tij shëndetësore. Nga shtatori 2006, kur një incident shtëpiak bëri që Nuti të kalonte në gjendje kome, t’i nënshtrohej një operacioni urgjent, frika e humbjes së tij shqetëson familjarët, miqtë e kolegët.
Pas dy muajsh në koma, ai hapi sytë në nëntor të 2006, më pas një proces i gjatë rehabilitimi në Lido di Camaiore zgjati tre vjet.
Nuti nuk ka arritur më të bëjë një jetë të pavarur e të ecë me këmbët e veta përveç periudhave të shkurtra që pasoheshin nga rëndim të gjendjes. Nuk e ka humbur kurrë shpresën për t’iu kthyer punës së vet: madje është paraqitur me një këngë në festivalin e fundit të Sanremos.
Nuti ka deklaruar shumë herë se dëshiron të rishkruajë për kinemanë, pasi ka të papërfunduar një skenar.
U kthye në skenë më 11 maj 2014 me rastin e ditëlindjes së 59-të së bashku me miqtë e tij përballë shtatë mijë mbështetësve. Përgatiti: Juli Prifti – /tesheshi.com/
