Franca ka mbetur vendi që ka pritur numrin më të madh të turistëve në botë në vitin 2016, ndërsa më pas renditen Shtetet e Bashkuara dhe Spanja.
Sipas shifrave të publikuara nga Organizata Botërore e Turizmit, Franca ka pranuar 82.6 milionë vizitorë në vitin 2016, një rënie me dy për qind në krahasim me vitin 2015.
Numri i turistëve në Shtetet e Bashkuara ka rënë me tre për qind në 75.6 milionë, por vendi ka ruajtur vendin e dytë, përpara Spanjës, ku shifrat kanë shënuar rritje me dhjetë përqind.
Shpërthimi turistik në Spanjë ishte pjesërisht për shkak të faktit se turistët për shkak të frikës së terrorizmit, në përgjithësi shmangin destinacionet si Turqia, Egjipti dhe qytetet e mëdha evropiane.
Në vendin e katërt është Kina me 59.3 milionë, kurse Italia në të pestin me 52,4 milionë turistë.
Më tej renditja vijon me Britaninë e Madhe, Gjermaninë, Meksikën, Tajlandën dhe Turqinë. /tesheshi.com/
