Franca fitoi titullin e parë Botëror në volejboll për meshkuj, pasi mundi 3-0 Serbinë në finalen e Rio de Janeiros duke siguruar titullin e parë në histori. Francezët, domininuan ndeshjen duke arritur një fitore të thjeshtë ndaj Serbisë, që e kishte finalen e tretë në këtë kompeticion, por pa arritur të fitojë asnjëherë. Pas medaljes së argjendtë të fituar në vitin 2006, Franca ishte e etur për të marrë trofeun e parë dhe ndeshja nisi shumë mirë për gjelat, që kryesuan menjëherë në 5-0. Serbia megtjithatë arriti të barazojë rezultatin ë 7-7, falë zhytjeve nga vija e parë e Atanasijevic. Pavarësisht se publiku brazilian po bënte tifo për Serbinë, francezët arritën të ruajnë qetësinë dhe e mbyllën setin me rezultatin 25-19 falë një blloku të realizuar nga Ngapeth.
Seti i dytë ishte më i luftuar. Franca u shkëput në 8-7 pas një shërbimi jo të saktë të serbëve, ndërsa më pas u shkëput në 16-14. Kjo shkëputje i krijoi mundësi kombëtares së gjelave që mbyllnin më pas setin me rezultatin 25-21. Në setin e tretë, Serbia u përpoq të bënte rezistencë por francezët ishin më të motivuar duke fituar 25-23, për suksesin e parë historik të francezëve në një botëror, që gjatë kompeticionit pësuan vetëm një humbje me SH.B.A. në grupe me rezultatin 3-1. Pikërisht amerikanët u renditën të tretë pasi mundën 3-0 kampionët në fuqi të Polonisë pas një ndeshje shumë të luftuar, 25-22, 25-23, 25-23. /tesheshi.com/
