Qeveria franceze mori vendimin për të nisur vetëm programin për furnizimin e një lloji të ri të avionëve luftarakë detar zbulues dhe anti-nëndetëse, në mungesë të bashkëpunimit me atë gjerman, u njoftua dje nga Parisi.
Ministria franceze e Mbrojtjes ka njoftuar se ia ka dhënë zhvillimin e avionit të gjeneratës së ardhshme prodhuesve Airbus dhe Dassault.
Bazuar në aeroplanët civilë që ndërtojnë përkatësisht – A320 neo dhe Falcon 10X – të dy kompanitë do të dizajnojnë avionin e ri të Forcave Ajrore Franceze, i cili do të hyjë në shërbim në vitet 2030, me një kosto të vlerësuar prej gati 11 milionë euro secili në fazë atë të zhvillimit industrial. Në teori, avioni i ri do të zëvendësojë flotën ekzistuese të 22 Atlantique 2 (Breguet Aviation).
Parisi mbetet i hapur për bashkëpunim me partnerë të tjerë evropianë, theksoi ministria.
Emmanuel Macron dhe Angela Merkel njoftuan programin e përbashkët për të ashtuquajturin sistem të luftës detare ajrore të së ardhmes në 2017. Por në vitin 2021, Gjermania vendosi të blejë pesë P-8A Poseidon (Boeing) për 1.43 miliardë euro, për t’i zëvendësuar më herët. Ministria gjermane e Mbrojtjes foli më pas për një zgjidhje “të përkohshme”. Por një vit më vonë njoftoi se do të merrte më shumë, deri në shtatë të tjera.
Avioni francez i gjeneratës së ardhshme pritet të përdorë një sërë teknologjish të fundit, veçanërisht sensorë, komunikime të avancuara, radar, teknologji të bazuara në inteligjencën artificiale dhe armë të reja.
22 Atlantic 2 të vjetëruar të projektuar nga Breguet në vitet 1960 dhe ende në përdorim në Francë hynë në shërbim në vitin 1965. Tetëmbëdhjetë prej tyre do të modernizohen për të qëndruar në funksion të paktën deri në vitin 2030. /tesheshi.com/
