Fotografi Chris Leslie rikthehet në Bosnje për të shënuar 20-vjetorin e nënshkrimit të marrëveshjes së Paqes së Dejtonit, që i dha fund rrethimit të Sarajevës pas gati katër vjet luftimesh.
Marrëveshja e Dejtonit u nënshkrua në Paris, pikërisht 20 vjet më parë, një marrëveshje e cila përfundoi konfliktin brutal mes serbëve, kroatëve e boshnjakëve, ndërsa i dha fund rrethimit të Sarajevës, rrethimi më i gjatë në historinë moderne.
Bota ka pësuar ndryshime dramatike që nga viti 1995: sulmet e 11 Shtatorit, luftërat në Irak e Afganistan, Pranvera Arabe. Bosnja ka dalë nga radarët e botës perëndimore.
Në prill 1992, ndërsa Jugosllavia nisi të shpërbëhej, qyteti i Sarajevës u sulmua nga grupet militare serbo-boshnjake të cilat mbështesnin ushtrinë jugosllave të dominuar nga serbët e që ishin kundër pavarësisë së Bosnjes. Serbët e Bosnjes rrethuan qytetin dhe i vendosën nën rrethim 500 mijë banorët e Sarajevës. Sarajeva u bombardua rëndë nga artileria dhe snajperat vrisnin qytetarët që ecnin rrugëve.
Marrëveshja e Dejtonit, negociuar nga Shtetet e Bashkuara, krijoi dy entitete pothuajse të pavarura brenda Bosnjes, Federatën Boshnjako-Kroate, pjesa më e madhe e vendit, dhe Republikën Serbe me shumicë serbe.
Por, çfarë qëndron pas kësaj marrëveshjeje?
Kryeqyteti në pamje të parë, shfaq fytyrën e vet të guximshme dhe kozmopolitane për komunitetin ndërkombëtar dhe turistët, por nën sipërfaqe, nacionalizmi, korrupsioni dhe keqmenaxhimi rëndojnë mbi jetën e qytetarëve, ndërsa njerëzit pa dallim origjine, me vështirësi sigurojnë jetesën.
Përgatiti: Juli Prifti – /tesheshi.com/
