Në kodrinat e fshatit piktoresk Hay-on-Wye në Angli ndodhet i parkuar një autobus në një kopsht të madh. Në të kundërt nga ajo që mund të mendohet, se ky autobus është një relike e vjetër apo në gjë e shëmtuar e ngelur rastësisht në këtë zonë, ju bëjmë me dije që në fillim se autobusi nuk është i zakontë. Ai është Majestic Bus, një autobus i shndërruar në një kabinë të bukur në të cilin mund të akomodohen 8 persona (4 brenda dhe 4 mund të bëjnë kampe në pjesën e jashtme të tij).
Dhe nëse ju nuk e dini, çdo njeri mund të qëndrojë në të!
Zona në kuvertë ka dy nivele akomodimi ku mirëpret 4 persona. Në të ndodhet edhe një zonë e vogël pushimi.
Në të ndodhet edhe një zonë për gatim në ajër të pastër.
E vendosur në një pjesë shumë të bukur të fshatit, ky autobus i shndërruar është destinacioni i duhur për tu larguar nga qyteti duke qenë se është i rrethuar nga kopshtet dhe ngjyrat e shumta. Vizitorët mund të qetësohen në pjesën e jashtme të autobusit dhe të shijojnë bukuritë e natyrës. Kopshtet, në të cilat rriten edhe perime, menaxhohen nga familjet e zonës, të cilët shtesin çfarë rrisin në tokat e tyre në Hay-on-Wye.
Në brendësi të autobusit, gjithçka është rimodeluar.
Kur ta shikoni, as nuk do t’ju bjerë ndër mend të kujtoheni se më parë ka qenë një autobus. Drita dhe ngrohja bëhet nëpërmjet paneleve diellore të vendosura në çati.
Në pjesën e përparme ndodhet një kolltuk si dhe një krevat i madh
Ka gjithashtu edhe shumë karrige, të cilat shërbejnë për të ndenjur gjatë ditës dhe natës, si në ambientet e brendshme, edhe në ato të jashtme.
Ata kanë ruajtur edhe timonin për zbukurim
Ndodhet edhe një sobë e vogël, e cila mund të përdoret për të gatuar
Autobusi është i pajisur me një frigorifer të vogël, të cilin pronari e mban të mbushur me qumësht ndërsa në zonën e kuzhinës nuk mungon asnjëherë kafja, çaji apo sheqeri . në të ka edhe një tualet.
Është një kënaqësi më vete pregatitja e çajit në autobus
Në një zonë tjetër ndodhet tualeti, në të cilin është vendosur një vaskë, peshqirë, lavamani dhe një wc.
Në tualet ndodhet edhe një sobë me dru, e cila ndihmon në ngrohjen e ujit për të bërë dush.
Pjesa tjetër e ambientit duhet eksploruar pasi ndodhet i gjithi në pjesën e jashtme dhe është një mrekulli më vete.
Mund të vizitoni kopshtet dhe të kaloni disa orë të këndshme duke kundruar lulet
Fshati Hay-on-Wye është me të vërtetë i adhurueshëm.
Njihet për sharmin historik dhe një numër të madh dyqanesh të veçanta si dhe për bibliotekat e dorës së dytë. Ky fshat është edhe shtëpia e një festivali të përvitshëm letrar që mbahet në Maj, ndërsa në të ka restorante të shumta, një kinema dhe parqe të pafundme përgjatë lumit Wye.
Pamja është tejet mbresëlënëse
Fjetja në këtë autobus shtëpi kushton 155 dollar në natë, gjatë çdo stine të vitit. Nëse keni disa para për të shpenzuar apo nëse doni diçka ndryshe për pushimet tuaja këtë verë, konsiderojeni edhe këtë destinacion./tesheshi.com/
