Lule manjole, pemë qershie, molle, trëndafila dekorativ, lule zvarranike që mbulojnë shtigjet. Kjo është pamja me mbi 1.300 bimë të ndryshme që e bëjnë kopshtin e Ninfas, në territorin e Cisterna di Latina, kopshtin më të bukur në Itali, fitues i çmimit “parku më i bukur në Itali i vitit 2015”, për kategorinë Parku Privat.
Ky park i mbuluar nga gjelbërimi fton të gjithë vizitorët të kalojnë një ditë mes “turizmit të gjelbër” dhe të njihen me këtë bukuri. Nimfa, e cila e ka marrë emrin e saj nga një tempull romak, dedikuar “Ninfe Naiadi”, perënditë e ujit të pranverës, u shkatërrua dhe plaçkit në vitin 1300 dhe u la një qytet fantazmë i infektuar nga malaria.
Ndërsa në fund të shekullit të nëntëmbëdhjetë pronari i vërtetë, Caetani u kthye në Ninfa dhe krijoi një kopsht të stilit anglo-saksone, duke kërkuar romantiken. Kënetat i zhduku duke i përtharë, ndërsa rrënojat i mbuloi me mbjelljen e shumë pemëve dhe luleve.
Gjatë luftës kopshti u përdorur nga gjermanët si një bazë për municion. Trashëgimtari i fundit dhe kopshtare ishte Lelia, vajza e Roffredo Caetani që mbikëqyri kopshtet e Ninfas deri në fund.
Ajo vdiq në vitin 1977, por para vdekjes së saj vendosi të ngrinte Fondacionin Roffredo Caetani për të mbrojtur kujtimin e shtëpisë Caetani dhe për të ruajtur kopshtin e Ninfas dhe Kalanë e Sermonetas. /tesheshi.com/
