Është shuar sot një nga anëtarët e ekipit të ëndrrave të Brazilit të famshëm të vitit 1982 në Spanjë.
Valdir Perez, portieri i kombëtares braziliane që u quajt atëherë si “unaza më e dobët” e zinxhirit perfekt, ka ndërruar jetë në moshën 66 vjeçare si pasojë e një infarkti kardiak, gjatë një ceremonie në stadiumin e Sao Aolos, skuadër ku Perez militoi për gjithë karrierën e tij.
Valdir Perez ishte një portier mjaft i mirë dhe me reputacion në Brazil, por që pati shumë pak fat në botërorin e vitit 1982 ku pësoi gola që u quajtën si defekt i tij. Por shumë analistë sportivë thanë atëherë se Valdir Peres u la në vetmi nga mbrojtësit e Seleçao-s që më shumë kishin mendjen të sulmonin sesa të rrinin të disiplinuar në repartin e mbrojtjes.
Dhe duhet pasur parasysh se mbrojtës të Brazilit të 1982-shit ishin Junior, Leandro, Oscar, Toninio Serezo apo Luisinho që njëkohësisht ishin edhe golashënues…./tesheshi.com/
