Kryeministri Edi Rama ka lajmëruar sot se hyrja tek parku i liqenit do të jetë tërësisht ndryshe nga ajo që duket në ditët e sotme.
Në një konferencë për mediat, u bë e ditur se qeveria ka thirrur 9 studio, të cilat po paraqesin projektet e tyre për zonën që prek edhe Universitetin Politeknik si dhe Gardën e Republikës.
Projektet e paraqitura deri tani parashikojnë ngritjen e disa ndërtesave të tjera, përveç godinave aktuale.
“Juria synon krijimin e hapësirave me rëndësi të veçantë. Së pari, krijimin e qendrës inovative të shërbimeve publike, një qendër e cila do t’i japë të gjitha shërbimet e përqendruara për publikun përmes një sistemi tërësisht inovativ, që do të përbëjë edhe rrëzimin e të gjitha mureve të burokracisë për të gjithë qytetarët që sot enden nga sporteli në sportel”, tha kryeministri Rama në nisjen e prezantimit të projekteve.
Më poshtë gjeni fotot e projekteve, të cilat mund të bëhen realitet për hyrjen tek parku i Liqenit Artificial.
