Portali i njohur i futbollit, goal.com, u ka bërë një analizë të gjatë futbollistëve që kanë spikatur më shumë gjatë këtij sezoni të Champions League-s.
Përmes tyre është ndërtuar dhe formacioni më i mirë i këtij sezoni, ku sigurisht që vend kryesor zë Cristiano Ronaldo, veçanërisht shpërthyes me golat e tij në fazën finale të aktivitetit.
Gianluigi Buffon, portieri veteran i Juventusit, ndonëse pësoi katër gola në finale e dështoi sërish që të bëhej fitues i trofeut, është përzgjedhur mes më të mirëve.
Vend në këtë formacion u është lënë dhe dy sulmuesve të Barcelonës, Messi-t e Neymar-it, të ndërthurur aty natyrshëm me Ronaldo-n.
Njëmbëdhjetëshi më i mirë i Champions League-s për sezonin 2016-2017 sipas goal.com ka këta emra në mbrojtje: Buffon, Sergio Ramos, Chiellini, Marcelo dhe Dani Alves.
Treshja e mesfushës përbëhet nga Kroos i Realit të Madridit, Dembele i Borusias së Dortmundit dhe Thiago i Bajernit të Mynihut.
Ronaldo, Messi dhe Neymar përbëjnë vijën sulmuese të këtij formacioni. /tesheshi.com/
